top of page

Humans of Halls #26


【如果今日係最後一日....】

喺呢兩年多少少嘅大學生活入面,我時間花得最多嘅,,可能都係打softball嘅日子。你問我點解日日都練緊波,係咪追緊三年一夢定四年一夢,我可能都會比你問到口啞啞。到底咩係四年一夢呢?或者我住緊第三年,都未係好答到。住hall每日生活都千變萬化,每日所遇到嘅人同事都比緊機會你拓展目標,要帶好下莊、拎紅旗、GPA爆四…咁讀大學呢四年又豈只一夢呢?

我住hall嘅宗旨係: 當每一日係最後一日

當年大仙喺Softball Team教識我,每一場interhall要當最後一年咁打;不要想著贏,要想不能輸。上年第一年打interhall,相信有睇上年softball interhall 3rd Fight sjc對leehall(加時打9局歷時3小時嗰場)嘅,都會睇到當年大仙嗰份執著,睇到One Out滿壘情況點樣拚命守護住本壘板唔比對手踏足啦。

有人話:「搏盡就似渴望呼吸嘅感覺」「夢想,就係當你快要停止呼吸嘅時候,仍然覺得一定要做嘅事」 住hall住得一段時間,會慢慢迷失咗自己,會開始忘記初衷。 記得啱啱過咗嘅post-ocamp forum,見到枱上面嘅迎新營籌委,好想搵番自己當初想做籌委嘅原因一樣,令我都諗番自己上年都有一段好長嘅低迷期。 最後我就係諗,如果今日將會係我住leehall嘅最後一日,我最想做嘅會係咩呢?

Year 1上Hall莊,做迎新營籌委(我地leehall叫做ococ),跳Mass Dance都係基於試新嘢嘅心態。 當你以為住hall只係三四年嘅事,其實一切都係一世嘅。 我地有句說法:「一日ococ,一世ococ」 就算自己可能已經做緊上x莊, 但見hall有咩地方同ocamp對freshmen講到嘅理想景象有落差嘅時候,都要揭盡所能令身邊嘅人一齊守護呢啲價值! 亦都係Leehall嘅其中一個舍堂教育:「人會長大三次;第一次發現自己唔係世界中心;第二次發現點努力終究有些事令人無能為力而放棄;到第三次就係無論如何有些事明知無能為力,但仍然會盡力而為。」

到最後你會發現,自己喺舍堂裏面拎咗禁多嘢。 所謂「Give and Take」,就好似飲過水要思源一樣,要做嘅就係善用每一日去以生命影響生命。

或許,這就是我的四年夢!

(左上) My girl❤ (右上) 我家姐,帶我入Leehall嘅 (左下) Leehall SA 15-16最霸氣莊友 (右下) 紫禁城一樓兄弟


係Facebook搵我地啦
Find us on Facebook
新鮮出爐 Newest
​主題 Categories
bottom of page