Humans of Halls #11

中學既時候經常見到Facebook newsfeed出現師姐既hall life相：打波、飲早茶、夾band、一班人著住同一款既Tee揸住個拳頭舉曬手笑到見牙唔見眼既相。 然後，我問其中一個有住hall既師姐：「其實HKU Hall係點架？同其他U有咩唔同？」佢答我：「Hall life唔係兩言三語就可以令你知道係咩一回事架。嗯...... HKU Hall既特別之處在於舍堂教育（Hall Education）！」我問：「舍堂教育？」佢微笑，然後拍拍我博頭話：「總之就唔止係一個比你訓既地方咁簡單啦，你住過先會明架！」 到我入左Kong U，亦都住緊李兆基堂，「咩係舍堂教育呀？」上hall莊之前接連不斷咁係mock campaign、campaign厘d場合被人問到既時候，差唔多每次我都答得好猶豫。到厘一刻上左莊嘞，我可以好肯定咁答你：每個住hall既人感受到既舍堂教育都可以截然不同。而對我黎講，目前最能夠影響我既舍堂教育係點樣「選擇」(make choices)。 你唔找上選擇，選擇都總會找上你。大學係個包羅萬有既百寶袋，入面有唔同類型既學會、hall、活動向你招手。入咩soc好呢？住唔住hall好呢？邊間hall最適合我呢？上唔上莊好呀？選擇既過程就好似為自己既U life舖一條火車軌咁，下一站向左定向右？一切任君選擇。 你問我：選擇了，然後呢？然後我地就要學識點樣承受同面對自己選擇既後果。「條路自己揀，仆低唔好喊，眼淚自己抹。」厘句說話自我入U之後就成為左我既座右銘。舍堂比到好多選擇你：sports, cultural, interest groups, subcoms… 選擇越五光十色，就會令你越覺得頭昏腦脹。而隨住你唔同既選擇，你要捨棄既野就越多：時間、精神、健康... 作出選擇之後同面對隨之而來既後果既時候，一不小心就好容易會迷失自己，成為一個齋chur既人。而到左厘個時候，就要嘗試回到最初的起點，諗返自己當初選擇厘條路既原因，更重要既係，到最後你想成為一個點既自己，勿忘初衷。了解自己既能力同訂立目標係成長路上一個重要既環節。堅定自己信念之後，就唔可以再frus，要繼續勇往直前、拾步而上。而經過厘一個過程，此時既你相信已經長大左好多，對「成長」二字亦一定有另一番體會。 咁住hall有咩咁特別呀？住hall最特別當然係一班hall mates。係樓友、teammates、hall o組、莊友之中，總有三五群會成為你既知己。半夜三更做野做到好frus既時候，會有樓友係whatsapp group話整左樓food；另一個凌晨又會有teammates話想落新興飲早茶，或者食真滋味。飲飲食食都係其次，可以同hallmates毫無時間地點限制咁gather，先係hall life最值得treasure既野，而厘d咁特別既集體回憶係建立一段段深厚友誼最穩固既踏腳石。當你遇到問題既時候，厘一群黎自唔同背景、有唔同經驗既hallmates會因為你一個「:(」或者見到你近排成日皺埋堂眉而過黎關心同鼓勵你。佢地唔會幫你作出d咩選擇，佢地會做既係透過同你促膝把酒傾通宵，或者係你張枱擺低一包零食同一張打氣memo，為你厘架火車加加油！ 到最後，驀然回首，你做既每個選擇都會決定左你透過hall厘個平台學到d咩。於我而言，係hall入面，只要你願意踏出一步作出選擇，唔會有一個選擇係絕對錯既。唯一會錯既係連「選擇」厘一步都唔做，白白浪費可以係碰碰撞撞之中成長既機會。 「有些事情還不做，你的理由會是什麼?」