Humans of Halls #6

細細個就聽人講：「港大d Hall好好玩ga，仲好難入，入到你就發達啦，可以玩餐飽！」所以當年JUPAS諗都冇諗，將所有港大放曬係最前面，為ge就係想入到港大咁享負盛名ge Hall，即舍堂。 仲記得當年過左Hall interview，玩緊大O果時識到兩位住果間Hall ge大仙，我好緊張咁問自己入唔入到，又八下Hall O究竟係點，自己啱唔啱住之類。去到膽膽怯怯地入Hall O，做左一年Freshman，再上左一年Hall莊，到依家做埋人地上上上莊，先發現，自己經歷(老)左幾多。 p.s.咩defer兩次、成績唔好比人quit Hall就唔好提啦。 呢一刻你問我，你最鍾意Hall community係乜野，或者乜野令到Hall community咁特別，我會答一個因素係sports，一個因素係人。 先講sports，大家都知港大冇體育堂，你想玩team sports一係就參加clubs d零星興趣班，一係就好勁勁到入U team，對於比上不足比下有餘ge人，兩者都滿足唔到。But，But！住左Hall，你除左本來果10樣old ball game可以繼續玩，仲有3種港大獨有ge new ball game。更誇張係，每場比賽都會有50-100名支持者為你打氣，更加試過有場波兩邊夾埋多過300人睇，場面墟冚到隨時多過香港隊比賽ge觀眾人數。我同之前d作者一樣都係打壘球，關於team同壘球就不作贅述。簡單d講，鍾意玩sports ge人，唔住Hall基本上冇野好玩。 再講人，Hall係一個同輩之間互相學習、互相影響ge地方。Hall入面冇師長輩ge管束，冇話邊個做主席就可以隨便剪布，唔認同其他人ge你可以係Forum入面辯論兩三個鐘，亦都冇課程大綱要你學ABC，之後再考試考你學到幾多。所以，你係Hall度，學到幾多野、得到幾多野，全部係你自己自發自願去學ge，你可以過左一年繼續做自己，亦都可以變成一個完全唔同ge人。另一方面，當你學習緊其他人ge時候，其實其他人都會學習緊你，當有咁上下資歷時，如何做一個好ge大仙，都會令好多人好煩惱。所以，即使你住左三年、四年Hall，都仲會有好多好多野你需要摸索，因為「人」千變萬化，所有野都係透過經驗累積，唔似書本上知識咁死板，而Hall年年有新ge Freshman，又會帶比各位大仙新ge思想衝擊。 適逢現時各間Hall好似都面臨收生不足ge窘境，大家不妨諗下一兩個自己繼續住落去ge原因，令自己更有動力係Hall度發揮自己ge影響力。 又或者，舍堂係時候需要革新以符合新一代ge思想？ 用左口語寫，中英夾雜，睇到眼殘唔好意思。